به‌ وێنه‌.. ئاگری دارستانه‌كانی كالیفۆرنیا ببینه‌

K24 - هه‌ولێر:

بەھۆی کەوتنەوەی ئاگرێك لە کالیفۆرنیا بە ھەزاران ھێکتار زەوی سووتا و بەھۆی مەترسی ئاگرەکەوە خەڵکی ناوچەکە راگوێزراون.

بۆ کۆنترۆڵکردنی ئاگرەکە زیاتر لە 700 ئاگرکوژێنەوە  و چەند ھێلیکۆپتەرێك و دەیان تیم رەوانەی شوێنی ئاگرەکە کروان.

بەھۆی ئاگرەکەوە زیاتر لە 2000 ھێکتار پوش و پاوەن و دارستان سووتاوە و تا ئێستاش نەتوانراوە ئاگرەکە کۆنترۆڵ بکرێت، بەھۆی مەترسی لەسەر ژیانیان دانیشتووانی ئەو ناوچەیە ماڵەکانیان بەجێھێشتووە.

ساڵانە لە وەزری ھاوین و گەشتکردندا لە ویلایەتی کالیفۆرنیا رووداوی ئاگرکەوتنەوە زۆر دەبێت و بەھۆیەوە زیانێکی زۆر بەر دارستان و ژینگەی ناوچەکە دەگات.