ئوستڕالیا ژماره‌ی پێوانه‌یی له‌ مه‌له‌وانی ئازاد شكاند

خانمه‌ مه‌له‌وانزانانی ئوستڕالیا ژماره‌ی پێوانه‌یی جیهانیان له‌ مه‌له‌وانی (4 جار سه‌د مه‌تری ئازاد) له‌ ئۆڵمپیكی ریۆ شكاند و مێدالیای زێریان له‌ به‌رژه‌وه‌ندی خۆیان یه‌كلاكرده‌وه‌.

ئوستڕاالیا ماوه‌كه‌ی به‌ 3 خوله‌ك و سی چركه‌ و 65  له ‌سه‌دای چركه‌ ته‌واو كرد و ژماره‌ی پێشوویان شكاند كه‌ گلاسكۆ له‌ ته‌مووزی 2014  ماوه‌كه‌ی به‌ 3 خوله‌ك و سی چركه‌ و 98 له‌سه‌دای چركه‌ی بڕی.

هه‌ر له‌و ركابه‌رییه‌ ئه‌مریكا مێدالیای زیوی به‌ده‌ستهێنا و هه‌ڵبژارده‌ی كه‌نه‌داش بووه‌ خاوه‌نی مێدالیای بڕۆنز.

ئۆڵمپیكی ریۆ 2016، به‌ فه‌رمی له‌ رۆژی 5ـی ئه‌م مانگه‌ به‌ به‌شداریی 206 وڵات و نه‌ته‌وه‌ی جیهان ده‌ستی پێكردووه‌ و تا 17 رۆژی دیكه‌ ده‌خایه‌نێت.