بن عه‌لى يه‌ڵدرم: جۆ بايدن سه‌ردانمان ده‌كات

K24 – هه‌ولێر:

سه‌رۆك وه‌زيرانى توركيا بن عه‌لى يه‌ڵدرم رايگه‌ياند، له‌‌م مانگه‌دا جێگرى سه‌رۆكى ئه‌مريكا سه‌ردانى ئه‌نقه‌ره‌ ده‌كات.

بن عه‌لى يه‌ڵدرم، گوتى: جۆ بايدن، جێگرى سه‌رۆكى ئه‌مريكا رۆژى 24ى ئاب/ ئۆگست سه‌ردانى توركيا ده‌كات.

هه‌روه‌ها گوتى: هه‌ڵوێستى ئه‌مريكا له‌ باره‌ى ده‌ركردنى فه‌تحوڵڵا گوله‌ن باشتر بووه‌.

پێشتر سه‌رۆكى توركيا ره‌جه‌ب ته‌يب ئه‌ردۆغان رايگه‌ياندبوو، پێويسته‌ ئه‌مريكا له‌ نێوان توركيا و گوله‌ندا يه‌كێكيان هه‌ڵبژێرێت.

ئه‌نقه‌ره‌ فه‌تحوڵڵا گوله‌ن به‌ پلاندانه‌رى كوده‌تا شكستخواردووه‌كه‌ى 15ى ته‌مموزى رابردوو تۆمه‌تبار ده‌كات.

ئه‌مريكا رايگه‌ياندووه‌ كه‌يسى فه‌تحوڵڵا گوله‌ن ده‌بێت دادگا بڕيارى له‌ باره‌وه‌ بدات.

سه‌رچاوه‌: رۆيته‌رز.

و:ئ.هـ