زیاتر لە 40 هەزار کەس لە توركیا دەستگیركراون

K24 - ھەولێر

بیناڵی یڵدرم سەرۆک وەزیرانی تورکیا رایگەیاند: "کۆی ئەو کەسانەی تاکو ئێستا بە تۆمەتی پەیوەندی هەبوونییان بە کودەتا سەرنەکەوتووەکە، دەستگیرکراون گەیشتۆتە 40 هەزار و 29 کەس".

یڵدرم ئاشكرای كرد: " لە كۆی ئەو كەسانەی دەستگیركراون 20 هەزار و 355 کەس تۆمەتی پەیوەندی هەبوونییان بە فەتحوڵڵا گولەن بەسەردا ساغ بۆتەوە و ئێستا بەفەرمی دەستگیرکراون و زیندانی کراون".

هەروەها بەگوێرەی لێدوانەکەی سەرۆک وەزیرانی تورکیا بۆ ئاژانسی رۆیتەرز، 97 هەزار و 900 کەسیش لە کارمەندانی کەرتی حکوومەت لە کارەکانییان دوورخراونەتەوە.

فەتحوڵڵا گولەن کە لە ساڵی 1999ەوە لە پەنسلڤانیای ئەمریکا دەژیت، هەموو جۆرە پەیوەندییەک بە کودەتا سەرنەکەوتووەکە رەتدەکاتەوە.