سه‌رۆكایه‌تی هه‌رێمی كوردستان ئیدانه‌ی هێرشەكەی عه‌نتاب ده‌كات

K24 – ھەولێر

لە راگەیاندراوێكدا سەرۆكایەتی ھەرێمی كوردستان بە توندی ئیدانەی هێرشە تیرۆریستییەكەی عه‌نتاب ده‌كات و رایدەگەیەنێت، تیرۆر و هزری توندڕۆیی هەڕەشەیەكی جدییە بۆ سەر هەموو لایەك و دژی ژیان و ئاسوودەیی هاووڵاتیانە.

لە راگەیاندراوەكەی سەرۆكایەتی ھەرێمی كوردستان داھاتووە: "وێڕای دەربڕینی هاوخه‌می و سه‌ره‌خۆشیمان بۆ كه‌سوكاری شەهیدان، هیوای چاكبوونه‌وه‌ بۆ برینداره‌كان ده‌خوازین و، زۆر بە توندی ئیدانەی ئەو كردەوە نامرۆڤانەیە دەكەین. ئەوەیش دووپات دەكەینەوە كە تیرۆر و هزری توندڕۆیی هەڕەشەیەكی جدییە بۆ سەر هەموو لایەك و دژی ژیان و ئاسوودەیی هاووڵاتیانە".

دەقی راگەیاندراوەكەی سەرۆكایەتی ھەرێمی كوردستان

به‌داخه‌وه‌ شه‌وی 20ـی 8ـی 2016 له‌ شارۆچكه‌ی شاهینبه‌ی لە عەنتابی باکووری کوردستان، له‌ ئه‌نجامی هێرشی خۆكوژێكی تیرۆریست بۆ سەر بۆنەیەكی كۆمەڵایەتیی خەڵك، ژماره‌یه‌كی زۆر له‌ هاووڵاتیان شەهید و بریندار بوون، وێڕای دەربڕینی هاوخه‌می و سه‌ره‌خۆشیمان بۆ كه‌سوكاری شەهیدان، هیوای چاكبوونه‌وه‌ بۆ برینداره‌كان ده‌خوازین و، زۆر بە توندی ئیدانەی ئەو كردەوە نامرۆڤانەیە دەكەین. ئەوەیش دووپات دەكەینەوە كە تیرۆر و هزری توندڕۆیی هەڕەشەیەكی جدییە بۆ سەر هەموو لایەك و دژی ژیان و ئاسوودەیی هاووڵاتیانە. هەر بۆیەش بۆ ڕووبەڕووبوونەوەی تیرۆر كاری هاوبەشی وڵاتان و جدییەتی هەموو كۆمەڵگەی نێودەوڵەتی پێویستە.

سه‌رۆكایه‌تی هه‌رێمی كوردستان

21ـی 8ـی 2016