فڕۆکەیەکی هێزی ئاسمانیی تورکیا کەوتەخوارەوە و قوربانی هەیە
لە پارێزگای قەیسەری تورکیا فڕۆکەیەکی تایبەت بە مەشق و راهێنان کەوتە خوارەوە، دوو فڕۆکەوانەکەش گیانیان سپارد.
ئەمڕۆ سێشەممە، 04-06-2024، ئاژانسی فەرمیی تورکیا ڕایگەیاند، لە گەڕەکی عەرەبی پارێزگای قەیسەری لە تورکیا، فڕۆکەیەکی تایبەت بە مەشق و راهێنانی سەر بە هێزی ئاسمانی، کەوتەخوارەوە.
دوای ڕووداوەکە تیمەکانی بەرگریی شارستانی گەیشتنە ناوچەکە و وەزارەتی بەرگریش ئاماژەی بەوە کرد، هەردوو فڕۆکەوانەکەی فڕۆکەکە لە ئەنجامی ڕووداوەکە گیانیان سپاردووە.
بە گوێرەی زانیارییەکانی وەزارەتی بەرگریی تورکیا، تا ئێستا هۆکاری کەوتنەخوارەوەی فڕۆکە سەربازییەکە نەزانراوە و لێکۆڵینەوەکان لەوبارەوە بەردەوامن.
ڕاگەیەندراوی وەزارەتی بەرگریی تورکیا لەبارەی ڕووداوەکە
Kayseri’deki 12’nci Hava Ulaştırma Ana Üs Komutanlığından eğitim/test için kalkan Hava Kuvvetleri Komutanlığımıza ait SF-260D tipi bir eğitim uçağımız henüz bilinmeyen bir nedenle kaza kırıma uğramıştır. Arama kurtarma çalışmalarına başlanmıştır.
— T.C. Millî Savunma Bakanlığı (@tcsavunma) June 4, 2024
