سبەی نۆیەمین سکرتێری گشتی نەتەوەیەکگرتووەکان ھەڵدەبژێردرێت

K24 - هه‌ولێر:

دوای نۆ ساڵ مانەوە لە پۆستی سکرتێری گشتی نەتەوەیەکگرتووەکاندا, بان کی مۆن, کۆتایی ئەمساڵ واز لە پۆستەکەی دێنێت و کەسێکی دیکە وەک سکرتێری گشتی دەستنیشان دەکرێت.

بۆ شوێنگرتنەوەی بان کی موون 10 کاندید لە 10 وڵاتی جیاوازەوە خۆیان پاڵاوتووە كه‌ پێنجیان ژنن و پێنجه‌كه‌ی دیكه‌ش پیاون.

نەتەوەیەکگرتووەکان داوای لە وڵاتە بچووکەکانی ئەندامی کردووە کاندیدی خۆیان دەستنیشان بکەن بۆ وەرگرتنی پۆستی سکرتێری گشتی.

کاندیدەکان بریتین لە:

- ھێلین کلارک سەرۆک وەزیرانی پێشووی نیوزیلاند، كه‌ بەھێزترین کاندیدە.

- ئیرینا بۆکۆڤا سیاسەتمەداری بولگاریا.

- ئەنتۆنیۆ مانوێل ئۆلیڤیێرا گێتێرێس سەرۆک وەزیرانی پێشووی پۆرتوگال.

- سوزانا مالکۆرا وەزیری دەرەوەی ئەرجەنتین.

- دانیلۆ تورک ساڵی ٢٠٠٧ تا ٢٠١٢ سەرۆکی سلۆڤینیا بووە راوێژکاری پێشووی سکرتێری گشتی نەتەوەیەكگرتووه‌کان بووە.

- سرجیان کەریم, وەزیری دەرەوە و باڵیۆزی كه‌مبۆدیا لە نەتەوەیەکگرتووەکان.

- ناتالیا غیرمان دیپلۆماتکاری پێشووی مۆڵدۆڤا.

- كریستیان فیگوێرا، كاندیدی وڵاتی كۆستاریكا.

- میرۆسلاڤ لاكجاك، نوێنه‌ری بۆسنه‌ و هه‌رسكی پێشوو و وه‌زیری ده‌ره‌وه‌ی پێشووی بۆسنیا.

- ڤوك جێریمیك، وه‌زیری پێشووی ده‌ره‌وه‌ی سربیا.

هه‌ریه‌ك له‌ ئیگۆر لوکسیک وەزیری دەرەوەی مۆنتینێگرۆ و ڤێسنا پوزیک وەزیری دەرەوەی کرواتیا, كشانه‌وه‌ی خۆیان  راگه‌یاند.

زۆربەی کاندیدەکان لە وڵاتانی رۆژھەڵاتی ئەوروپان چونکە وڵاتانی  زلھێز و ئەندامانی ھەمیشەیی نەتەوەیەکگرتووەکان دەیانەوێت سکرتێری گشتی نەتەوەیەکگرتووەکان لە وڵاتانی رۆژھەڵاتی ئەوروپا بێت.

بریارە 29ی ئاب نەتەوەیەکگرتووەکان بە دەنگدانی نھێنی یەکێك لەو 10 کاندیدە یەکلا دەکاتەوە و سەرتای ساڵی داھاتوو شوێنی بان کی موون دەگرێتەوە.

بان کی موون تەمەن 72 ساڵ لە دایکبووی 13 حوزەیرانی 1944 کۆریای باشوورە و 8ەمین سکرتێری گشتی نەتەوەیەکگرتووەکانە. ساڵی 2004 تا 2006 وەزیری دەرەوەی کۆریای باشوور بووە.

لە 2007ەوە سکرتێری گشتی نەتەوەیەکگرتووەکانە و ئەمساڵ کۆتا ساڵیەتی و سبەی نۆیەم سکرتێری گشتی نەتەوەیەکگرتووەکان دەستنیشان دەکرێ.