سۆران خهلهف: سهرۆكوهزیران مهسرور بارزانی له سۆنگهی خۆبهخاوهنزانینی ههموو كوردستانهوه خزمهت دهكات
ڕۆژنامهنووس و چاودێری سیاسی ئاماژه بهوه دهكات، سهرۆكوهزیران مهسرور بارزانی له سۆنگهی خۆبهخاوهنزانینی ههموو كوردستان، بهبێ جیاوازی خزمهتی سهرجهم ناوچهكان دهكات و پرۆژهی خزمهتگوزارییان دهگهیهنێت و ئاوهدانیان دهكاتهوه.
ڕۆژی ههینی، 9ـی ئابی 2024، سۆران خهلهف، ڕۆژنامهنووس و چاودێری سیاسی تایبهت به كورستان24 گوتی، بڕیارهكانی سهرۆكوهزیران مهسرور بارزانی له بارهی سلێمانی و ههڵهبجه و ئیداره سهربهخۆكانی گهرمیان و ڕاپهڕین، سهلمێنهری دڵسۆزییهكهیهتی بۆ خهڵكی كوردستان و خهڵكی ئهو ناوچانه.
سۆران خهلهف ئاماژهی بهوهش كرد، خهڵكی سلێمانی و ههڵهبجه و ئیداره سهربهخۆكانی گهرمیان و ڕاپهڕین به بڕیارهكانی سهرۆكوهزیران مهسرور بارزانی شهرهفمهندن.
ئهو ڕۆژنامهنووس و شرۆڤهكاره سیاسییه باسی لهوهش كرد، بڕیارهكانی سهرۆكوهزیران له بارهی سلێمانی و ههڵهبجه و ئیداره سهربهخۆكانی گهرمیان و ڕاپهڕین كهوتووهته خزمهتی دانیشتووانی ئهو شوێنانه. گوتیشی، جگه له لایهنی بووژانهوه و ئاوهدانی، هاوكات بڕیارهكانی سهرۆكوهزیران مهسرور بارزانی بۆ خهڵكی ئهو شوێنانه، دامهزراندن به شێوهی گرێبهستیشی بۆ دهرچووانی زانكۆ و پهیمانگه و خهڵكی گشتیشی گرتووهتهوه.
دوای ئەوەی ڕۆژی 30ـی حوزەیرانی 2024، مەسرور بارزانی، سەرۆکی حکوومەتی هەرێمی کوردستان، سەردانێكی گرنگی بۆ هەردوو پارێزگای سلێمانی و هەڵەبجە كرد، لەو سەردانەدا وێڕای دانانی بەردی بناخەی سایلۆی هەڵەبجە، لەنزیكەوە دیدار و كۆبوونەوەی لەگەڵ بەرپرسانی ئیداریی دەڤەرەکە کرد. جیا لەوانەش، چەندین دیدار و كۆبوونەوە و گفتوگۆیەكی رووبەڕوو و ڕاشكاوی لەگەڵ بەشێك لە دانیشتووانی ناوچە جیاجیاكانی هەردوو پارێزگا و یەكە كارگێڕییەكاندا ساز دا.
لەو دیدار و كۆبوونەوانەدا، بەرپرسانی ئیداریی پارێزگاكان و هاووڵاتیان، باسیان لە كێشە و كەم وكوڕی و گرفتەكانی ناوچەكانیان كرد و چەند داواكاری و پێشنیازیان پێشكەش بە سەرۆكی حکومەت كرد.
سەرۆكی حکوومەت بە وردی گوێی بۆ داوكارییەكانیان گرت و بەڵێنیشی دا كە ئەوەی لە توانای حكوومەتی هەرێمی كوردستاندا بێت بۆ خزمەتكردنی خەڵكی ئەو دوو پارێزگایە و قەزا و ناحیە و گوندەكانی، جێبەجێی دەكات.
لەم بارەیەوە سەرۆکی حکوومەت چەندین بڕیاری گرنگی لە پێناو خزمەتکردنی زیاتری هاووڵاتییانی هەردوو پارێزگەی سلێمانی و هەڵەبجە و هەردوو ئیدارەی سەربەخۆی ڕاپەڕین و گەرمیان دا.