به‌ وێنه‌...ئارسێناڵ له‌ میلانی برده‌وه‌

ئێواره‌ی ئه‌مرۆ یارییه‌كی دۆستانه‌ی خێرخوازی له‌ نێوان یاریزانه‌ دێرینه‌كانی پێشووی یانه‌كانی ئه‌ی سی میلانی ئیتاڵیا و ئارسێناڵی ئینگلیزی له‌ له‌نده‌ن به‌ڕێوه‌ چوو، یارییه‌كه‌ش به‌سوودی تۆپچییه‌كان كۆتایی هات.

له‌ ریزه‌كانی یانه‌ی ئارسێناڵ، (كانۆ، رۆبێرت پیرێس، داڤید سیمان، مارك ئۆڤه‌رمارس و فریدریك لیۆنگبێرگ، مانوێل پێتیت، جیلبێرتۆ و لیمان) چه‌ند یاریزانێكی دیكه‌ی پێشووی یانه‌كه‌ ده‌بینران.

له‌ ریزه‌كانی میلانیش چه‌ندان یاریزانی كۆنی یانه‌كه‌ یارییان ده‌كرد، له‌وانه‌ (مالدینی، دیدا، كافۆ، كریستیان ڤیێری، ئه‌بیاتی، كۆستاكۆرتا، سێرجینهۆ، دیزایلی، ئابرۆسینی، ئالبێرتینی و سیمۆنی).

یارییه‌كه‌ به‌ سه‌ركه‌وتنی ئارسێناڵ به‌ 4 گۆڵ به‌رامبه‌ر 2 گۆڵ كۆتایی هات، له‌ یارییه‌كه‌دا، كانۆی نێجیری هاتریكی تۆمار كرد و تاكه‌ گۆڵه‌كه‌ی دیكه‌ی ئارسێناڵ رۆبێرت پیرێسی فره‌نسا تۆماری كرد.

دوو گۆڵه‌كه‌ی میلانیش له‌ لایه‌ن كریستیان ڤیێری هێرشبه‌ری پێشووی ئیتاڵی تۆمار كرا.

ئه‌م یارییه‌ له‌ پێناو كۆكردنه‌وه‌ی داهات و كاری خێرخوازی و بوژاندنه‌وه‌ی كۆمه‌ڵگه‌ی وه‌رزشی بۆ ئه‌و ناوچانه‌ی هاوشێوه‌ی سووریا و عێراق جه‌نگ كه‌وتۆته‌ نێوانیان.