سبەینێ هێلەكانی ئینتەرنێت بۆ ماوەی دوو کاتژمێر ڕادەگیرێن
K24 – هەولێر:
بەهۆی دەستپێکردنی خولی دووەمی تاقیکردنەوە گشتییەکانی پۆلی 12ـی ئامادەیی، لە سبەینێوە تاوەکوو کۆتایی هاتنی تاقیکردنەوەکان، هێلەكانی ئینتەرنێت بۆ ماوەی دوو کاتژمێر لە هەرێمی کوردستان ڕادەگیرێن.
بەپێی هەماهەنگی نێوان هەردوو وەزارەتی پەروەردە و گواستنەوە گەیاندنی حکوومەتی هەرێمی کوردستان بۆ سەرخستنی پرۆسەی تاقیکردنەوەکان، بەهۆی بەڕێوەچوونی خولی دووەمی تاقیكردنەوە گشتییەكانی پۆلی (12)ـی ئامادەیی، سبەینێ شەممە (2024/8/17) بۆ ماوەی دوو كاتژمێر لە (06:00 بۆ 08:00)ـی سەر لەبەیانی هێلەكانی ئینتەرنێت لە هەرێمی كوردستان ڕادەگیرێن.
هاوکات ڕاگرتنی هێلەکانی ئینتەرنێت لەو کاتەدا، بە درێژایی ڕۆژانی تاقیکردنەوەکان بەردەوامی دەبێت.
خولی دووەمی دووەمی تاقیکردنەوە گشتییەکانی پۆلی 12ـی ئامادەیی لە 17ـی ئابی 2024 دەستپێدەکات و 2ـی ئەیلوولی 2024 کۆتاییان دێت، کە بەپێی خشتەی وەزارەتی پەروەردە، ڕۆژنا ڕۆژێک تاقیکردنەوەکان بەڕێوەدەچن بۆ هەموو لقەکانی زانستی، وێژەیی و پیشەییەکان.