لە ڕووداوێکی تەققەکردندا لە سلێمانی دوو هاووڵاتی عەرەب برینداربوون

پەیامنێری کوردستان24 لە سلێمانی ڕایگەیاند: دوو هاووڵاتی عەرەب لە ڕووداوێکی تەققەکردندا برینداربوون و تا ئێستا دەزگاکانی ئاسایش و پۆلیسیش هیچ لێدوانێکیان لەبارەی ڕووداوەکە نەداوە.

پێنجشەممە 19ـی ئەیلوولی 2024، لە شەقامی 60 مەتری شاری سلێمانی، لە ڕووداوێکی تەققەکردندا دوو هاووڵاتی عەرەب برینداربوون کە برینی یەکێکیان سەختە.

وەک پەیامنێری کوردستان24 ئاماژەی بۆ کرد، تا ئێستا هۆکارەکانی تەقەکردنەکە ئاشکرا نەکراوە، دەزگاکانی ئاسایش و پۆلیسی سلێمانیش تا ئێستا هیچ لێدوانێکیان لەسەر ڕووداوەکە نەداوە.