کەشناسیی هەرێمی کوردستان: سبەینێ پلەکانی گەرما بەرز دەبنەوە

K24 – هەولێر:
بەشی پێشبینی لە بەڕێوەبەرایەتی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندن، ڕایگەیاند، سبەینێ ئاسمان ساماڵ و پەڵەهەور دەبێت لە هەندێ ناوچە دەگۆڕێت بۆ نیمچە هەور.
پێنجشەممە 26ـی ئەیلوولی 2024، بەشی پێشبینی لە بەڕێوەبەرایەتی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندنی حکوومەتی هەرێمی کوردستان، پێشبینی کەشوهەوای سبەینێی بڵاو کردەوە و ڕایگەیاند، سبەینێ پلەکانی گەرما بەرز دەبنەوە.
لە ڕاگەیەندراوەکەدا ئاماژە بەوە کراوە، سبەینێ ئاسمان ساماڵ و پەڵەهەور دەبێت لە هەندێ ناوچە دەگۆرێت بۆ نیمچە هەور.
بەرزترین پلەکانی گەرمای پێشبینیکراو بە پلەی سیلیزی:
هەولێر: 35 پلەى سیلیزى
سلێمانی: 34 پلەى سیلیزى
دهۆک: 35 پلەى سیلیزى
کەرکووک: 36 پلەى سیلیزى
هەڵەبجە: 36 پلەى سیلیزى
زاخۆ: 35 پلەى سیلیزى
حاجی ئۆمەران: 25 پلەى سیلیزى
سۆران: 33 پلەى سیلیزى
گەرمیان: 38 پلەى سیلیزى