مووچەی ئەم شوێنانە دابەش دەكرێت
K24 - ھەولێر
وەزارەتی دارایی و ئابووری حكوومەتی ھەرێمی كوردستان رایگەیاندووە، ئەمڕۆ دابەشكردنی مووچە بەردەوام دەبێت و مووچەی دوو یەكەی پێشمەرگە دابەش دەكرێت.
لە خشتەی وەزارەتی دارایی و ئابووری ھاتووە: "رۆژی سێشەممە و چوارشەمە بەرواری 15-16/11/2016، مووچەی یەکەکانی 70 و 80، سەر بە وەزارەتی پێشمەرگە دابەش دەکرێت.
بە گوێرەی زانیارییەكان بڕیارە لە رۆژانی داھاتوو خشتەی دابەشكردنی مووچەی چەند وەزارەتێكی دیكەی حكوومەتی ھەرێم رابگەیەنرێت.