لە ماوەی سێ رۆژدا زیاتر لە 3 ھەزار کەس شاری مووسڵ جێدەھێڵن

K24 - ھەولێر

ئەندامێکی کۆمەڵەی مانگی سووری عێراقی ئاشکرای کرد، لەگەڵ بارودۆخی ناجێگیری کەش و ھەوا لەماوەی72 کاتژمێری رابردوودا سێ ھەزار و 250  کەسی سڤیل کە زۆربەیان منداڵ و ئافرەت بوون لە ناوچەکانی رۆژھەڵاتی شاری مووسڵ بەرەو سنوورەکانی ھەرێمی کوردستان ھەڵاتوون و زۆربەیان لە کەمپی خازر جێگیر کراون.

بەپێی زانیاریەکانی بەرپرسانی حكوومەتی عێراق لە ماوەی دوو مانگی رابردوودا و لەگەڵ دەستپێکردنی ئۆپەراسیۆنی کۆنترۆڵکردنەوەی مووسڵ لە دەست چەکدارانی داعش، زیاتر لە 130 ھەزار کەسی سڤیل لەو شارە ھەڵاتوون.

ئۆپەراسیۆنی كۆنترۆلكردنەوەی مووسڵ لە 17/10/2016، دەستیپێكرد، سوپای عێراق و ھێزی پێشمەرگە نزیكەی 40 گەڕەكی مووسڵیان لە دەستی داعش رزگاركردووە.