سه‌رۆكی فلیپین شه‌ڕی خوێناوی خۆی ده‌ستپێده‌كات

K24 - هه‌ولێر:

رۆدریگۆ دۆتێرتی، سه‌رۆكی فلیپین، بێگوێدانه‌ نیگه‌رانییه‌كانی رۆژئاوا، ده‌ستی به‌ هه‌ڵمه‌تی كوشتنی بازرگانانی ماده‌ هۆشبه‌ره‌كان كردووه و‌ سزای كوشتنی بۆ بازرگانه‌ گه‌وره‌ بچووكه‌كان ده‌ركردووه‌.

دۆتێرتی ماوه‌ی كه‌متر له‌ شه‌ش مانگه‌ وه‌ك سه‌رۆكی فلیپین هه‌ڵبژێردراوه‌، به‌ڵام پۆلیسی ئه‌و وڵاته‌ زیاتر له‌ 6 هه‌زار كه‌سی به‌ تۆمه‌تی بارزانیگركردن به‌ مادده‌ هۆشبه‌ره‌كانی كوشتووه‌.

گوته‌بێژی حكوومه‌تی ئه‌و وڵاته‌ش رایگه‌یاندووه‌، مادده‌ هۆشبه‌ره‌كان ته‌نها زیانی به‌ ئاسایشی نه‌ته‌وه‌یی نه‌گه‌یاندووه‌، به‌ڵكو كێشه‌ی بۆ ته‌ندروستی گشتیش درووستكردووه‌.

ئاماژه‌ به‌وه‌شده‌كات، حكوومه‌ت ئه‌و شه‌ڕه‌ ده‌باته‌وه‌ و له‌ به‌رامبه‌ر بازرگانانی مادده‌ هۆشبه‌ره‌كان سه‌رده‌كه‌وێت.

سه‌رچاوه‌: ده‌یلی مه‌یل