به‌ وێنه‌.. هیوا له‌ لێواری مه‌رگه‌وه‌ به‌ره‌و ده‌ستپێكی خوێندن

K24 - هه‌ولێر:

ئه‌م دوو وێنه‌یه‌ی سه‌ره‌وه‌ ته‌نها یه‌ك ساڵییان نێوانه‌، ئه‌و منداڵه‌ به‌ر له‌ ساڵێك له‌ لێواری مردن بوو به‌ هۆی به‌دخۆراكی و لاوازی جه‌سته‌ی، به‌ڵام ئێستا له‌ ته‌ندروستییه‌كی باشدایه‌ و ئاماده‌یه‌ یه‌كه‌م رۆژی خوێندنی خۆی ده‌ستپێبكات.

ئه‌و منداڵه‌ نایجیرییه‌، به‌ر له‌ ساڵێك له‌لایه‌ن دایك و باوكییه‌وه‌ فڕێدرابوو، به‌ بیانووی ئه‌وه‌ی مایه‌ی نه‌هامه‌تییه‌ و جادووه‌ بۆ خێزانه‌كه‌ی، دواتر له‌لایه‌ن ژنه‌ كارمه‌ندێكی رێكخراوی خێرخوازی, به‌ناوی "ئانجا رینگرین لۆڤین"ی دانیماركی هه‌ڵگیرایه‌وه‌ و به‌خێوكردنی گرته‌ ئه‌ستۆ.

ئێستا ئه‌و منداڵه‌ ناوی (Hope)ه‌، كه‌ به‌ واتای هیوا دێت، هیوا نه‌ك هه‌ر گه‌ڕایه‌وه‌ بۆ ژیان، به‌ڵكو ئێستا ئاماده‌یه‌ ده‌ست به‌ پرۆسه‌ی خوێندن بكات.

سه‌رچاوه‌: ده‌یلی مه‌یڵ