ئارسێناڵ به‌ فه‌رمی به‌رگریكارێكی له‌ بۆندزلیگاوه‌ گواسته‌وه‌

ئارسێناڵ به‌ فه‌رمی له‌سه‌ر پێگه‌ی یانه‌كه‌ی هه‌واڵی گواستنه‌وه‌ی كۆلاسیناكی به‌رگریكاری چه‌پی له‌ یانه‌ی شالكێ ئه‌ڵمانیاوه‌ راگه‌یاند.

كۆلاسیناكی ته‌مه‌ن 23 ساڵ، ماوه‌ی پێنج وه‌رزه‌ له‌ ریزه‌كانی شالكێ یاری ده‌كات و له‌ هاوینی ئه‌مساڵ گرێبه‌سته‌كه‌ی كۆتایی هات و به‌ گرێبه‌ستێكی ئازاد روویكرده‌ تۆپچییه‌كانی له‌نده‌ن.

كۆلاسیناك پێشتر یاریی بۆ تیپی خوار ته‌مه‌ن 20 ساڵانی هه‌ڵبژارده‌ی ئه‌ڵمانیا كردووه‌، به‌ڵام له‌ 2013ـه‌وه‌ یاریی بۆ هه‌ڵبژارده‌ی بۆسنه‌ ده‌كات.