شكستێكی دیكهی بارسێلۆنا بهرامبهر ریال مهدرید
.jpg)
بەپێی توێژینەوەی سهرچاوهیهكی راگهیاندنی بەریتانیا، ریال مەدرید بەهێزترین مارکەی تۆپی پێیە لە جیهاندا بە پشتبەستن بە پێوەرەکانی نرخی یاریزانان و فانەکانی لە سۆشیال میدیا و داهاتی ساڵانەی نمرەی ٩٦.١ـی بەدەستهێناوە و بارسێلۆنا و بایرن میونشنیش دووەم و سێیەمن.
ماڵپەڕی براند فاینانسی بەریتانی له توێژینهوهیهكدا ئاشكرای كردووه كه ریال مەدرید بەهێزترین مارکەی جیهانی تۆپی پێیە، کە ماڵپەڕەکە لە توێژینەوەکەیدا قەبارەی یاریگە، نرخی یاریزانان، ژمارەی فانەکانی لە تۆڕە کۆمەڵایەتییەکان، ئەنجام و دەستکەوتەکانی و رەزامەندی هاندەرانی و داهاتی ساڵانی کردووتە پێوەر.
ریال مەدرید نمرەی ٩٦.١ی لەسەر ١٠٠ بەدەستهێناوە و بە گرانبەهاترین و بەهێزترین مارکەی ئێستای تۆپی پێی جیهان دادەنرێت.
بارسێلۆنا پلهی دووهمی گرتووه
بارسێلۆنای ئیسپانی لە پلەی دووەم دێت و مارکەی بارسێلۆنا نمرەی ٩٦.١ـی بەدەستهێناوە و لە دوای ریال مەدریدی رکابەری دێت، کە رکابەرەکەی ئەم وەرزە دووانەی لالیگا و چامپیۆنزلیگی بەدەستهێنا.
بایرن میونشن پلهی سێییهمی گرتووه
بایرن میونشنی ئەڵمانیا ٩٢.١ـی لە ریزبەندی بەهێزترین مارکەکانی تۆپی پێ بەدەستهێناو و باڤارییەکان لە پلەی سێیەمی ریزبەندی ماڵپەڕە بەریتانییەکە دێن.
شهیتانه سوورهكانیش له پلهی چوارهم دێن
مانچێستەر یونایتدی ئینگلیزیش بە نمرەی ٩١.٤ لە پلەی چوارەم دێت و رێد دێڤلزیش لە ریزی پێشەوەی مارکە بەهێزەکان دێت.
خانمه پیرهكه له پلهی پێنجهم جێگیر بووه
یۆڤێنتۆسی ئیتاڵی کە گەیشتە فیناڵی ئەم وەرزەی چامپیۆنزلیگ و دووانەی جام و خولی ئیتاڵیای بەدەستهێنا، بەپێی پێوەرەکانی براند فاینانس ٩٠.٥ی بەدەستهێناوە و پێنجەم براندی بەهێزی تۆپی پێی جیهانە.
یانهكانی دیكه
یانەکانی لیڤەرپوول، ئارسێناڵ، چێڵسی و مانچێستەر سیتیش پلەکانی شەشەم تاکو نۆیەمیان گرتووە و ئەم چوار یانە ئینگلیزییەش لە ریزی بەهێزترین براندەکانی تۆپی پێ پلەکانی پێشەوەیان گرتووە.
پاریس سانجێرمان کە بەمدواییانە لەلایەن قەتەڕییانەکانەوە خاوەندیارییەتی دەکرێن و ئەم وەرزە نەیتوانی ببێتە پاڵەوانی لیگ١، بە نمرەی ٨٢.٧ دەیەمین بەهێزترین مارکەی تۆپی پێیە لە جیهاندا.