چەندین چەكداری داعش لە مووسڵ كوژران

K24 - ھەولێر

چەكدارانی داعش دزەیان كردە نێو گەڕەكێكی مووسڵ و ویستیان ھاووڵاتیانی گەڕەكەكە بڕفێنن، بەڵام شكست بە پیلانەكەیان ھێنرا و چەندین چەكداریان لێ كوژرا.

بە گوێرەی زانیاری پەیامنێری كوردستان24 چەكدارانی داعش دزەیان كردووەتە نێو گەڕەكی دندانیە لە رۆژھەڵاتی مووسڵ، ویستویانە ھاووڵاتیان گەڕەكەكە بڕفێنن، بەڵام ھێزە عێراقییەكان ھۆشیاربوونەتەوە و دوای شەڕ و پێكدادان شكستیان بە پیلانەكەی داعش ھێنا و چەندین چەكداری داعشیان كوشت.

ئەمە لە كاتێكدایە گەڕەكی دندانیە زیاتر لە دوو مانگە لەلایەن ھێزەكانی عێراق كۆنترۆڵكراوەتەوە.