لەسەر ئاڵای كوردستان سەرۆكی ئەنجوومەنی پارێزگای كەركووك دەدرێتە دادگا
توركمانەكانی كەركووك لە دادگای فیدراڵی عێراق سكاڵایان لەسەر رێبوار تاڵەبانی تۆماركرد
K24 - كەركووك
پەیامنێری كوردستان24 لە كەركووك رایگەیاند: "دژی ھەڵكردنی ئاڵای كوردستان لەسەر باڵەخانە حكومییەكانی كەركووك، توركمانەكانی شارەكە سكاڵایان لەسەر رێبوار تاڵەبانی سەرۆكی ئەنجوومەنی پارێزگای كەركووك لە دادگای فیدراڵی عێراق تۆمار كرد".
گوتیشی: "بڕیارە رۆژی 3/7/2017، سەرۆكی ئەنجوومەنی پارێزگای كەركووك لە دادگای فیدراڵی عێراق ئامادەبێت".
رۆژی 28 ئاداری2017 ئەنجوومەنی پارێزگای كەركووك بە كۆی دەنگ بڕیاریدا ئاڵای كوردستانی لەسەر دامودەزگا حكوومییەكانی شارەكە ھەڵبكرێت، ئەمەش كاردانەوەی لەلایەن بەشێك لە توركمان و عەرەبەكانی كەركووك و ژمارەیەك لە بەرپرسە باڵاكانی بەغدا لێكەوەتەوە.