بوومەلەرزە ناوچەیەكی ئێران وێران دەكات

K24 - ھەولێر

ئەمڕۆ بوومەلەرزەیەك خۆراسانی ئێرانی ھەژاند، میدیا فەرمیەكانی ئەو وڵاتە رایانگەیاند، بەھۆی بوومەلەرزەكە 70% گوندەكانی پارێزگای خۆراسان وێران بوونە.

ھاوكات باس لەوە كراوە كە دەوام لە سەرجەم خوێندنگا و قووتابخانە و زانكۆكان وەستاوە و ھێڵەكانی پەیوەندی كردن پچراوە.

ئەگەرچی تا ئێستاش بە فەرمی ئاماژە بە ژمارەی قووربانیان نەدراوە، بەڵام میدیاكانی ئێران باس لە 2 كوژراو و 8 بریندار دەكەن و زیانە مادیەكانیش بە زۆر لە قەڵەم دەدەن.

ژمارەیەكی زۆر تیمی فریاكەوتن رەوانەی مەشھەد و دەوروبەری كراوە و ناوەندی بوومەلەرزە ناسی ئێران ھۆشداری داوەتە سێ پارێزگای دیكە.

بەیانی ئەمرۆ بوومەلەرزەیەكی سەروو پلە 6 رێختەری شاری مەشھەد و بە دوای ئەویشدا 9 بوومەلەرزەی سەروو 4 رێختەری ناوچەكانی دەوروبەری ھەژاند.