بهرپرسێكى ئێران به تاوانى سيخوڕى 10 ساڵ حوكمدرا
ئەندامێكی ئەنجوومەنی شارەوانی تاران بە تۆمەتی سیخوڕی بۆ ئەمریكا بە 10 ساڵ زیندان حوكمدرا.
K24 – ههولێر:
ئەندامێكی ئەنجوومەنی شارەوانی تاران بە تۆمەتی سیخوڕی بۆ ئەمریكا بە 10 ساڵ زیندان حوكمدرا.
دەسەڵاتی دادوەری ئێران رایگەیاندووە، سەرۆكی لیژنەی كۆمەڵایەتی و راوێژكاری ئەندامێكی ئەنجومەنی شارەوانی شاری تاران بە تۆمەتی سیخوڕیكردن بۆ ئەمریكا و ھەوڵدان دژ بە بەرژەوەندییەكانی كۆماری ئیسلامی ئێران، بە 10 ساڵ زیندانی حوكم دراوە.
عەلی رەزا ئومێدهوار، ماوەی 6 مانگە لە لایەن ھێزە ئەمنییەكانەوە دەستگیر كراوە و دەسەڵاتی دادوەری ئێران دەڵێت، ناوبراو ھەوڵی جێبەجێكردنی پرۆژەی گۆڕینی دەسەڵاتی ئێران و دزەكردنە ناو دامودەزگاكانی حكوومەتی داوە. لە ماوەی رابردووشدا بەرپرسانی ئەمنیی ئێران باسیان لە دەستگیركردنی ژمارەیەك بەرپرس لە پۆستە باڵاكانی حكوومەت كردووە، كە سیخوڕییان بۆ وڵاتانی نهيارى ئێرانەوە كردووە.