به‌ وێنه‌.. فێستیڤاڵی ته‌ماته‌ له‌ ئیسپانیا ببینه‌

K24 - هه‌ولێر:

فێستیڤالی ته‌ماته‌، به‌ گه‌وره‌ترین فێسیڤاڵ داده‌نرێت له‌ جیهان، كه‌ به‌و خوارده‌مه‌نییه‌ شه‌ڕ ده‌كرێت.

ساڵانه‌ خه‌ڵكێكی زۆر به‌شداری له‌م فێستیڤاڵه‌دا ده‌كات و ئه‌مساڵیش زیاتر له‌ 22 هه‌زار كه‌س به‌شداری تێداكرد، كه‌ له‌ ناوچه‌ی بۆونۆلی شاری  ڤالێنسیا به‌ڕێوه‌چوو.

فێستیڤاڵه‌كه‌، وه‌كو كولتوورێكی ساڵانه‌ ئه‌نجامده‌درێت و یه‌كه‌م جاریش له‌ ساڵی 1945 ئه‌نجامدرا، ئه‌مساڵیش نزیكه‌ی 165 تۆن ته‌ماته‌ به‌كارهێنرا.

به‌هۆی هێرشه‌كه‌ی ئه‌مساڵی بارسێلۆناش، فێستیڤاڵه‌كه‌، له‌ رێوشوێنێكی توندی ئه‌منی ئه‌نجامدرا و 22 هه‌زار كه‌س به‌شداری تێدا كرد.

شێوازی فێستیڤاڵه‌كه‌، به‌شێوه‌یه‌كه‌، به‌شداربووانی به‌ ته‌ماته‌ له‌ یه‌كدی ده‌ده‌ن و چه‌ند كاتژمێرێكیش به‌رده‌وام ده‌بێت، به‌ شێوه‌یه‌ك لافاوی ته‌ماته‌ له‌ شه‌قام و ناو بازاڕه‌كاندا هه‌ڵده‌ستێت.