گەڕەكێكی دیكەی رەققە كۆنترۆڵكرا

K24 - ھەولێر

هێزەکانی سووریای دیموکرات گەڕەکێکیان لە رەققە کۆنترۆڵکردەوە و 23 چەکداری داعشیش کوژران.

مستەفا بالی، گوتەبێژی هێزەکانی سووریای دیموکرات (ھەسەدە) رایگەیاند: "شەڕێکی سەخت لەنێوان هێزەکانمان و چەکدارانی داعش  لە دەوروبەری نەخۆشخانەی نیشتمانی و یاریگای رەش لە ناوەڕاستی رەققە روویدا، گەڕەکی درعییەی شاری رەققە کۆنترۆڵکرایەوە و 23 چەکداری داعشیش کوژران".

گوتەبێژی هێزەکانی سووریای دیموکرات رەتیکردەوە، هیچ دانوستانێکیان بۆ دەرچوونی چەکدارانی رێکخراوی داعش لە رەققە لەگەڵ ئەو رێکخراوە ئەنجامدابێت.

 گوتیشی، لە رێگەی پیاوماقوڵانی شارەکە و بە هەماهەنگی لەگەڵ ئەنجوومەنی سڤیلی رەققە کار بۆ رزگارکردنی هاووڵاتییانی شارەکە کراوە.