به‌ڵگه‌یه‌ك ده‌یسه‌لمێنێت كه‌ بارسێلۆنا ده‌بێته‌ پاڵه‌وانی لالیگا

دوای ئه‌وه‌ی یانه‌ی بارسێلۆنا نۆیه‌مین سه‌ركه‌وتنی له‌ لالیگای ئه‌م وه‌رزه‌ تۆمار كرد، یانه‌كه‌ به‌ره‌و مێژوویه‌كی گه‌وره‌ هه‌نگاو ده‌نێت و به‌ گوێره‌ی ئاماره‌كانیش بارسێلۆنا ناسناوی ئه‌م وه‌رزه‌ ده‌باته‌وه‌.

یانه‌ی بارسێلۆنا له‌ دوایین یاری خۆی له‌ لالیگا به‌ دوو گۆڵی مێسی و پاوڵینهۆ شكستی به‌ یانه‌ی ئاتڵێتیك بلباو هێنا، به‌مه‌ش یانه‌ی بارسێلۆنا بۆ یه‌كه‌مجار له‌ مێژوودا له‌ كۆی 10 یاری، 28 خاڵی كۆكردۆته‌وه‌ و ته‌نیا 2 خاڵی به‌فیڕۆداوه‌.

پێشتر ریال مه‌درید 4 جار هه‌مان ده‌ستپێكی ئه‌م وه‌رزه‌ی بارسێلۆنای هه‌بووه‌ و یانه‌ی شایانه‌كه‌ 2 جار ناسناوه‌كه‌ی بردۆته‌وه‌.

برسێلۆنا دوو وه‌رز له‌ مێژوودا هه‌مان سیناریۆی ئه‌م وه‌رزه‌ی دووباره‌ كردۆته‌وه‌ و جارێكیان ناسناوه‌كه‌ی بردۆته‌وه‌.

ئاتڵێتیكۆ مه‌درید له‌ وه‌رزه‌ی 2013 ـ 2014، به‌ هه‌مان شێوه‌ی بارسێلۆنا له‌ كۆی 10 یاری، 28 خاڵی كۆكرده‌وه‌ و له‌ كۆتایی وه‌رزیش بووه‌ پاڵه‌وانی لالیگا.

به‌ گوێره‌ی ئاماره‌كان بارسێلۆنا نزیكترین به‌ربژێره‌ بۆ بردنه‌وه‌ی ناسناوی ئه‌م وه‌رزه‌، به‌و پێیه‌ی له‌ ئێستادا به‌ كۆكردنه‌وه‌ی 28 خاڵ پێشه‌نگی لالیگای گرتووه‌ و به‌ جیاوازی 4 خاڵ له‌ یانه‌ی ڤالێنسیای دووه‌م دووره‌.