حهشدی شهعبی لهوه ناڕازییه كه بودجهیان تهنیا له هی 6 وهزارهت زیاتره
محهمهد ناجی سهرۆكی لیستی بهدر گوتی، پشكی حهشدی شهعبی كهمه و پێویستی به زیادكردن ههیه
K24- ههولێر:
پشكی حهشدی شهعبی له بودجهی عێراق 1 ترلیۆن و 700 ملیار دیناره، لایهنه شیعیهكانیش لهو بڕه ناڕازیین و داوای زیاد كردنی دهكهن، هاوكات لیژنهیهكیش بۆ ئهو بابهته پێكهێنراوه.
دوای خستنهڕووی پڕۆژهی بودجهی عێراق بۆ ساڵی 2018 و مانهوهی خهرجی و مووچهی حهشدی شهعبی وهكو خۆی، لایهنه شیعیهكان لهوه ناڕازین و داوای زیادكردنی دهكهن.
محهمهد ناجی ، سهرۆكی لیستی بهدر له ئهنجومهنی نوێنهرانى عێراق رایگهیاند، یاسای حهشدی شهعبی پێویستی به وردهكاری زیاتر ههیه, بۆ ئهو مهبهستهش حهیدهر عهبادی لیژنهیهكی پێكهیناوه. ههروها گوتی، پشكی حهشدی شهعبی كهمه و پێویستی به زیادكردن ههیه.
ههر لهمبارهیهوه حهمدییه حوسهینی، پهرلهمانتاری لیستی مواتن، رایگهیاندووه، پێویسته چاوخشاندنهوهیهك بۆ بودجه و مووچهی حهشدی شهعبی و وهزارهتهكانی بهرگری و ناوخۆ بكرێت.
بهگوێرهی زانیاریه پشتڕاستكراوهكانیش، بودجهی گشتی عێراق بۆ ساڵی 2018 بهمشێوهیه دابهشكراوه و، بهشی ههره زۆری بۆ وهزارهته ئهمنیهكان و هێزهكانی حهشدی شهعبی دهڕوات:
خهرجییه سهربازییهكان له بودجهی عێراق به ترلیۆن دینار
وهزارهتی ناوخۆ: 10.8
وهزارهتی بهرگری: 9.2
حهشد: 1.7 ترلیۆن
ههواڵگری و فرقهی تایبهت: 0.436
پشكی سێكتهرهكان له بودجهی 2018ی عێراق به ترلیۆن دینار
سهربازی وئهمنی: 22.5
پهروهرده 1.8
خوێندنی باڵا: 2.3
تهندروستی: 2
ئاوهدانكردنهوه: 1.8
خهرجی سهرۆكایهتییهكانی عێراق به ترلیۆن دینار
ئهنجومهنی نوێنهران: 0.234
سهرۆكایهتی كۆمار: 0.518
ئهنجومهنی وهزیران: 2.3
پشكی پارێزگاكانی ههرێمی كوردستان به ترلیۆن دینار
ههولێر: 2.5
سلێمانی: 2.7
دهۆك: 1.65
بودجهی حهشد له 6 وهزارهت زیاتره
رۆشنبیری + پلاندانان+ گهیاندن + گواستنهوه +وهرزش و لاوان+ داد = 1.3 ترلیۆن دینار
حهشدی شهعبی (122.000 چهكدار) = 1.7 ترلیۆن دینار