ریزبه‌ندی ئه‌و 10 یانەیەی زۆرترین مووچە بە یاریزانەکانیان دەدەن

رۆژنامەی مۆندۆ دیپۆرتیڤۆی ئیسپانی ناوی ئەو یانانەی ئاشکرا کرا کە زۆرترین مووچە بە یاریزانەکانیان دەدەن، رۆژنامەکە ئاماژەی بە ناوی 10 یانەی لەسەر ئاستی جیھان داوە و كه‌ ساڵانە زۆرترین پارە وەک مووچە بە یاریزانەکانیان دەدەن، بەپێی ئەو توێژینەوەی کە کۆمپانیای گلۆبال سپۆرتی ئەمریکی ئەنجامیداوە.

بەپێی توێژینەوەکە، یانەی بارسێلۆنا لە خانەی یەکەمی ئەو یانانە دێت کە زۆرترین مووچە بە یاریزانەکانی دەدات، یانە کەتەلۆنییەکە پێش مانگێک لە خانەی دووەم دەبیندرا، بەڵام دوای ئەوەی مێسی بۆندەکەی لەگەڵ یانەکەی نوێکردەوە، بارسێلۆنا سەرووی 10 یانەکانی گرت، مێسی بە نوێکردنەوەی گرێبەستەکەی ساڵانە نێوان 35 بۆ 40 ملیۆن یۆرۆی تەواو وەردەگرێت.

ئەمەی خوارەوە ناوی ئەو 10 یانەیە کە زۆرترین مووچە بە یاریزانەکانیان دەدەن:

1ـ بارسێلۆنا 141 ملیۆن یۆرۆ

2ـ  پاریس سان جێرمان 139 ملیۆن یۆرۆ

3ـ  ریال مەدرید 133 ملیۆن یۆرۆ

4ـ  مانچێستەر یونایتد 112 ملیۆن یۆرۆ

5ـ  مانچێستەر سیتی 112 ملیۆن یۆرۆ

6ـ  بایرن میونشن 111 ملیۆن یۆرۆ

7ـ یۆڤێنتۆس 104 ملیۆن یۆرۆ

8ـ چێڵسی 95 ملیۆن یۆرۆ

9ـ  ئارسیناڵ 86 ملیۆن یۆرۆ

10ـ  ئاتلێتیکۆ مەدرید 86 ملیۆن یۆرۆ

لوقمان عەلی