حەشدی شەعبی گوندەكانی خورماتوو تۆپباران دەكات

K24 - ھەولێر

بە گوێرەی زانیاری پەیامنێرانی كوردستان24، لە سەربەیانی ئەمڕۆوە چەكدارانی حەشدی شەعبی بەشێوەیەکی هەڕەمەکی تۆپبارانی گوندەكانی ناوچەی داودەی سەربەخوورماتوو دەکەن و بەو ھۆیەوە چەندین خێزانی کورد لەوسنوورە ئاوارەبوون.

چەند ھاووڵاتیەكی ناوچەكە بە پەیامنێری كوردستان24 یان راگەیاندووە، بەتایبەتی گوندەكانی قۆم پەڵك و قوشەلان، بە چڕی لەلایەن حەشدی شەعبی تۆپباران دەكرێن.

حەشدی شەعبی بە مەتفەعی بۆردوومانی ناوچەی داودە بەتایبەتی گوندەکانی قۆم پەڵک گوندی  قوشەلان  دەکەن.

سەرچاوەیەك لە ناوچەكە بە كوردستان24 راگەیاند: "دوای تۆپباران، چەند ھەلیكۆپتەرێكی سەربازی عێراق ناوچەكەیان بۆردوومان كرد".

محەمەد فایق، وتەبێژی قایمقامیەتی خورماتوو بە کوردستان24 گوت: "تا ئێستا تۆپبارانەكە بەردەوامە  و ترس و دڵەراوكێی زۆری خستووەتە نێو دانیشتوانی ناوچەكە".