هاوسەرۆکی ئەنجوومەنی سوریای دیموکرات: پشتگیری عهفرین بكهن
داوا له گهلانی جیهان دهكات هێرشهكانی توركیا رابگرن
K24 - ههولێر:
ئیلهام ئەحمەد، هاوسەرۆکی ئەنجوومەنی سوریای دیموکرات بانگەوازیی گەلانی دهكات بۆ پشتگیرییکردنی عەفرین و رێگریكردن له هێرشهكانی سوپای توركیا بۆ سهر شارهكه.
ئیلهام ئەحمەد سەبارەت بە هێرشە ئاسمانییەکانی سوپای تورکیا بۆ سەر عەفرین، ئەمڕۆ بە ئاژانسی هەواڵی هاواری ڕاگەیاندووە: مەبەست لە هێرش بۆ سەر عەفرین تێکدانی پرۆسەی ئاشتی و چارەسەریی سیاسییە لە سوریا.
هاوسەرۆکی ئەنجوومەنی سوریای دیموکرات وتی: "عەفرین شوێنی مانەوەی سەدان هەزار پەنابەرە، شوێنێکی ئارامە بەڵام ئێستا لەژێر هەڕەشەدایە".
ئیلهام ئەحمەد بانگەوازیی بۆ کۆمەڵگای نێودەوڵەتیی کرد و داوای لێکردن تورکیا بوەستێنن لە پێشێلکارییەکانی بۆ سەر عەفرین.
ههروهها گوتی: "پێویستە هەموو گەلانی جیهان لە دژی هێرش بۆ سەر عەفرین بڕژێنە سەر شەقامەکان و فشار بخەنە سەر رووسیا و ئەمریکا، بۆ ئەوەی تورکیا بوەستێنن".
سوپای توركیا له بۆردومانكردنی دهوروبهری عهفرین بهردهوامه و به گوێرهی زانیارییهكانیش هێرشی زهمینی لهلایهن چهند كهتیبهیهكی سوپای ئازادی سووریا، كهلهلایهن توركیاوه پاڵپشتی دهكرێن، دهستی پێكردووه.