به‌ وێنه‌ و ڤیدیۆ.. دووه‌م رۆژی پرسه‌ی دلۆڤان بارزانی له‌ پیرمام

K24 - هه‌ولێر:

ئه‌مڕۆ چوارشه‌ممه‌ 4/4/2018 دووه‌م رۆژی پرسه‌ی دلۆڤان ئیدریس بارزانی، برای نێچیرڤان بارزانی سه‌رۆك وه‌زیرانی هه‌رێمی كوردستان له‌ شارۆچكه‌ی پیرمام به‌ڕێوه‌ ده‌چێت.

به‌گوێره‌ی راگه‌یێنراوێكی نووسینگه‌ی سه‌رۆك بارزانی كه‌ رۆژی 2/4/2018 پاش راگه‌یاندنی كۆچی دوایی دلۆڤان بارزانی بڵاویانكرده‌وه‌، رایانگه‌یاند: "پرسه‌كه‌ له‌ هۆڵی بۆنه‌كانی شارۆچكه‌ی پیرمام به‌ڕێوه‌ ده‌چێت و تا رۆژی پێنجشه‌ممه‌، به‌رده‌وام ده‌بێت".

دلۆڤان ئیدریس بارزانی رۆژی دووشه‌ممه‌ 2/4/2018 به‌هۆی جه‌ڵته‌ی دڵه‌وه‌ له‌ ته‌مه‌نی 52 ساڵیدا كۆچی دوایی كرد و له‌ بارزان به‌خاكسپێردرا.

دلۆڤان بارزانی، له‌ مانگی ئه‌یلوولی ساڵی 1966 له‌ ناوچه‌ی بارزان له‌ دایكبووه‌ و له‌گه‌ڵ نێچیرڤان بارزانی دووانه‌ (جمك) بوون و هیچ پۆستێكی فه‌رمی حزبی و حكوومی نه‌بوو، به‌ڵام له‌ كاروباری كۆمه‌ڵایه‌تیدا نوێنه‌رایه‌تی نێچیرڤان بارزانی كردووه‌.