باری كەشوھەوای كوردستان

K24 - ھەولێر

بەپێی پێشبینیەكانی كەشناسی، ھێشتا كاریگەرییەكانی پاڵەپەستۆی نیمچە دوورگەی عەرەبی لەسەر ھەرێمی كوردستان ماوە و بۆیە ئاسمانی ھەرێمی كوردستان لە ماوەی 48 كاتژمێری داھاتوو بەمشێوەیە دەبێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ ئەمڕۆ و سبەی راگەیاند و بە گوێرەی پێشبینیەكانی كەشناسی ئەمڕۆ ئاسمانی ھەرێمی كوردستان نیمچە ھەور دەبێت.

لەبارەی كەشوھەوای سبەی كەشناسی رایدەگەیەنێت، سبەی ئاسمانی ھەرێمی كوردستان ساماڵ و پەڵە ھەور دەبێت و لە ھەندێك كات و شوێنی جیادا دەبێتە نیمچە ھەور.