به‌ ڤيديۆ.. بازارێكى جلوبه‌رگ له‌ كه‌ركووك ئاگرى گرت

ئاگر له‌ به‌شێك له‌ دوكان و كۆگاكانى جلوبه‌رگ له‌ بازارى (خان خورما)ى شارى كه‌ركووك كه‌وته‌وه‌

K24 – كه‌ركووك:

دواى نيوه‌ڕۆى ئه‌مڕۆ ئاگر له‌ به‌شێك له‌ دوكان و كۆگاكانى جلوبه‌رگ له‌ بازارى (خان خورما)ى شارى كه‌ركووك كه‌وته‌وه‌.

به‌كارهێنه‌رانى تۆڕه‌ كۆمه‌ڵايه‌تييه‌كان چه‌ندين گرته‌ى ئاگر و سووتانى بازاره‌كه‌يان بڵاوكردووه‌ته‌وه‌.

وه‌ك له‌ ڤيديۆكاندا ده‌رده‌كه‌وێت، به‌ هۆى نه‌بوونى ئامێرى ئاگركوژێنه‌وه‌ و به‌ هاناوه‌نه‌چوونى تيمه‌كانى فرياكه‌وتن ئاگره‌كه‌ ته‌شه‌نه‌ى كردووه‌.

سووتانى بازاره‌كه‌ ته‌نيا زيانى ماڵى لێكه‌وتووه‌ته‌وه‌ كه‌ به‌ هه‌زاران دۆلار مه‌زنده‌ ده‌كرێت و زيانى گيانى به‌دواوه‌ نه‌بووه‌.