ڤیدیۆ... گەورە تاوانبارێك بە هێلیکۆپتەر لە زیندان رادەكات

K24 - ھەولێر

رەزوان فاید، گەورە سەرۆك باندی تاوانکاری لە فەرەنسا، توانی لە رێگای هێلیکۆپتەرێکەوە لە زیندان هەڵبێت.

هێلیکۆپتەروان و هێلیکۆپتەرەکە لە لایەن سێ چەکدارەوە رفێندراو، پاشان چەکدارەکان هێلیکۆپتەرەکەیان ناچارکردووە لە زیندانەکە بنیشێتەوە.

چەکدارەكان توانیان بە سەرکەوتووی سەرۆك باندەکە لەگەڵ خۆیان بۆ دەرەوەی زیندان لە رێگای هێلیکۆپتەرەکە بگوازنەوە و لە دووری نزیکەی 60 کم لە زیندانەوە بنیشنەوە.

دواتر، سێ چەکدار و سەرۆك باندەکە، بە ئۆتۆمبێلێکی جۆری رینۆی رەش، بەرەو شوێنێکی نادیار هەڵدێن.

لە گرتە ڤیدیۆیەکدا کە ماڵپەڕی ئاڕ تی رووسی بڵاویکردۆتەوە، ساتی هاتنی هێلیکۆپتەرەکە و هەڵهاتنی زیندانییەکە دەبیندرێت.

‌ه.ج