پێشبینی هاتنی شه‌پۆلێكی دیكه‌ی ئاواره ده‌كرێت بۆ هه‌رێمی كوردستان
جموجۆڵه‌كانی داعش زیادییان كردووه
K24 - هه‌ولێر:
بەڕێوەبەری ئۆفیسی ھەرێمەكانی رۆژھەڵاتی ناوەڕاست و باكووری ئەفریقیا لە كۆمسیۆنی باڵای نەتەوە یەكگرتووەكان بۆ كاروباری پەنابەران، بە كوردستان24 ی گوت، جارێكی دیكە جموجۆڵەكانی داعش، سەریان ھەڵداوەتەوە.
ئەمین عەواد ئاماژه به‌وه‌ش ده‌كات، ئه‌وه‌ش بووەتە ھۆی ئەوەی جارێكی دیكە خەڵكی ئاوارەی ھەرێمی كوردستان ببن. داواش دەكات پێشمەرگە و ھێزەكانی عێراق لەو ناوچانە بگەنە رێككەوتن بۆ ئەوەی ئەوەی مەترسی تیرۆر لەو ناوچانە دوور بخرێتەوە.
به‌هۆی شه‌ڕی داعشه‌وه له دوای ساڵی 2014ه‌وه، زیاتر له ملیۆنێك و 500 هه‌زار ئاواره‌ی ناوخۆی عێراق و په‌نابه‌ری سووری، روویان له هه‌رێمی كوردستان كرد و له كه‌مپی ئاواره‌كان گیرسابوونه‌وه.
ا. م