ئەمڕۆ مووچەی وەزارەتێكی دیكە دابەش دەكرێت

K24 - ھەولێر

ئەمڕۆ وەزارەتی دارایی و ئابووری حكوومەتی ھەرێمی كوردستان مووچەی مانگی تەمموزی وەزارەتێكی دیكە دابەش دەكات.

سەرچاوەیەك لە وەزارەتی دارایی و ئابووری بە كوردستان24 راگەیاند: "ئەمڕۆ مووچەی مانگی تەمموزی وەزارەتی تەندروستی دابەش دەكرێت".

راشیگەیاند: "لە رۆژانی داھاتوودا مووچەی وەزارەت و دامەزراوەكانی دیكە دابەش دەكرێت".

رۆژی 6ی ئەم مانگە وەزارەتی دارایی دەستی بە دابەشكردنی مووچەی مانگی تەمموزی 2018 كرد و مووچەی وەزارەتی پێشمەرگە دابەشكرا و دوێنێش مامۆستا و فەرمانبەرانی وەزارەتی پەروەردە مووچەیان وەرگرت.