ڤاڵڤێردی: پلانم بۆ پڕكردنهوهی شوێنی مێسی داڕشتووه
ڤاڵڤێردی: ناوێرم ههموو قسهكانم بكهم، چونكه ئێستا راهێنهری ئینتهر میلان چاودێری قسهكانم دهكات
.jpg)
ڤاڵڤێردی راهێنهری یانهی بارسێلۆنا پێش یارییهكهی سبهی له چامپیۆنزلیگ بهرامبهر ئینتهر میلان جهخت لهوه دهكاتهوه كه رێگهچارهی بۆ شوێنگرهوهی مێسی ههیه، دهشڵێت: زۆر بیری مێسی دهكهین و ئامانجمانه بهبێ لیۆ سهركهوتن تۆمار بكهین.
ئارنیستۆ ڤاڵڤێردی راهێنهری یانهی بارسێلۆنا له پرێس كۆنفرانسێكدا ئاماژه بۆ ئهوه دهكات بههۆی نهبوونی لیۆنێل مێسی گۆڕانكاری له پێكهاتهی تیپهكهی كردووه، دهشڵێت: زۆر بیری مێسی دهكهین، بهڵام بهبێ لیۆ دهمانهوێت ئاستێكی بهرز پێشكهش بكهین و یاریزانمان بۆ شوێنگرهوهی مێسی ئاماده كردووه.
ڤاڵڤێردی له بارهی ئاستی ئینتهر میلان گوتی: ئهم یانهیه ئێستا به باشترین بارودۆخی تێپهڕ دهبێت و بههێزهوه بهرهنگاری بهرامبهرهكانیان دهبنهوه و له خولهكهكانی كۆتایی زۆر مهترسین و ئهنجامهكانی یارییهكانی رابردوویان ئومێدێكی باش به ئینتهر دهبهخشێت.
ڤاڵڤێردی دهشڵێت: ئێمه و ئینتهر میلان ههریهكهمان خاوهنی 6 خاڵین و دوو تیپهكهی دیكه هیچ خاڵێكیان نییه، بۆیه ئهم یارییه زۆر چارهنووسسازه و ههنگاوێك له قۆناخی 16ـی چامپیۆنزلیگ نزیكمان دهكاتهوه.
راهێنهری بارسێلۆنا له بارهی دێمبلی رایگهیاند كه ئهو یاریزانه به باشی كارهكانی خۆی دهكات و ئهركی خۆی به تهواوهتی جێبهجێ دهكات و ئاستی پێشكهوتووه.
ڤاڵڤێردی گوتیشی: نامهوێت زۆر باسی یاریزانهكانم و شێوازی رێگهچارهكان بۆ شوێنگرهوهی مێسی بكهم، چونكه ئێستا راهێنهری ئینتهر میلان چاودێری قسهكانم دهكات و نامهوێت پلانهكانم ئاشكرا بێت و تیپی بهرامبهر ئیشی لهسهر بكات، بهڵام ئهگهر بمانهوێت شوێنی مێسی پڕ بكهینهوه دهبێت به كۆمهڵ یاری بكهین.
یانهی بارسێلۆنا سبهی سێشهممه له كاتژمێر 10:00ـی شهو له چامپیۆنزلیگ له نێو یاریگهی كامپ نوو میوانداریی ئینتهر میلان دهكات.