كەشناسی رێژەی بارانبارین لە ھەرێمی كوردستان بڵاودەكاتەوە

K24 - ھەولێر      

بەڕێوەبەرایەتی كەشناسی و بومەلەرزەزانی ھەرێمی كوردستان رێژەی بارانبارینی 24 كاتژمێری رابردووی بڵاوكردەوە و پێشبینیەكانی كەشوھەوای 48 كاتژمێری داھاتووش رادەگەیەنێت.

بەپێی داتاكانی كەشناسی بەراورد بە ساڵی رابردوو ئەمساڵ لە زۆربەی ناوچەكانی كوردستان باران زیاتر باریووە و وەك كەسناسی رایگەیاندووە، بارانبارینی ئەمساڵ لە سنووری قەزای چۆمان لە ناوچەكانی دیكە زیاتر و لە ناحییەی حاجی ئۆمەرانی سەر بەو قەزایە زیاتر لە 136 ملم باران باریووە".  

لەبارەی كەشوھەوای ئەمڕۆ كەشناسی ھەرێمی كوردستان رایدەگەیەنێت، ئەمڕۆ شەممە ئاسمان ساماڵ دەبێت لەگەڵ ھەبوونی كەمێك تۆز و خۆڵ.

ھەروەھا كەشناسی پێشبینی دەكات رۆژی یەكشەممە، ئاسمانی ناوچەكانی ھەرێمی كوردستان ساماڵ بێت لەگەڵ ھەبوونی پەڵە ھەور.