بهرههم ساڵح ههرێمی كوردستان به شیمالی عێراق ناودهبات
لهگهڵ بهرهی توركمانی دژی گهڕانهوهی پێشمهرگه بۆ كهركووكیش رێككهوتووه
K24 - ههولێر:
بهرههم ساڵح، سهرۆك كۆماری عێراق، ههرێمی كوردستان به شیمالی عێراق ناو دهبات و له تویتهرهكهیهوه به زمانی كوردی و عهرهبی بهو شێوهیه باسی دهكات.
سەردانی هەڵەبجەم کرد بۆ ڕێزلێنانی یادی شەهیدانی کیمیاباران، ئەنفالەکانی گەرمیان وبادینان وبارزان، گۆڕە بەکۆمەڵەکانی مەحاویل وخوارو وباکوری عیراق، شەهیدانی دژی ستەمکاری. ناکرێ بهێڵین جارێکی تر فاشیەکان دەسەڵاتدار بن، وئیستا ئاوەدانی وخزمەتکردنی کەسوکاری شەهیدان ئەرکی لە پێشینەمانە pic.twitter.com/jyn4Wbjinl
— Barham Salih (@BarhamSalih) ٢٨ أكتوبر ٢٠١٨
بهرههم ساڵح كه چهند رۆژێكه گهڕاوهتهوه سلێمانی و ههڵهبجه و سهرقاڵی چهند چالاكییهكه، له تویتهرهوه نوسیوویهتی: "سەردانی هەڵەبجەم کرد بۆ ڕێزلێنانی یادی شەهیدانی کیمیاباران، ئەنفالەکانی گەرمیان وبادینان و بارزان، گۆڕە بەکۆمەڵەکانی مەحاویل وخوارو و باکوری عیراق، شەهیدانی دژی ستەمکاری. ناکرێ بهێڵین جارێکی تر فاشیەکان دەسەڵاتدار بن، وئیستا ئاوەدانی وخزمەتکردنی کەسوکاری شەهیدان ئەرکی لە پێشینەمانە".
زرت حلبجة، الرمز الشاخص لطغيان النظام البائد. شهداء حلبجة والمقابر الجماعية في المحاويل و جنوب العراق وشماله يعبرون عن ماض يجب ان لا ننساه كي لانقبل بعودة أي مستبد كائنا من كان للتسلط على مقدرات بلادنا. واجبنا ان ننطلق في هذه المرحلة نحو الإعمار والسلم المجتمعي وإنصاف ذوي الشهداء pic.twitter.com/06NqQc2ieG
— Barham Salih (@BarhamSalih) ٢٨ أكتوبر ٢٠١٨
بهرههم ساڵح رۆژی 2/10/2018 به رێككهوتنێكی ژێر به ژێری حزبهكهی "یهكێتی نیشتمانی كوردستان" پاش جێهێشتنی حزبه تازهكهی خۆی "هاوپهیمانی بۆ دیموكراسی و دادپهروهری" كرایه سهرۆك كۆماری عێراق و بهبێ پرس و راوێژ لهگهڵ كوتله كوردستانییهكان بۆ ئهو پۆسته كاندید كرا. ئهوهش یهكهم سهردانێتی بۆ ناوچهكانی سلێمانی و ههڵهبهجه.
رۆژی 27/10/2018 ئهرشهد ساڵحی، سهرۆكی بهرهی توركمانی لهبارهی دهستپێشخهرییهكهی بهرههم ساڵح بۆ چارهسهركردنی كێشهی كهركووكیش گوتبووی: "لهگهڵ سهرۆك كۆمار رێككهوتووین هێزی پێشمهرگه نهگهڕێتهوه كهركووك". ههر چهنده دواتر سهرۆكی بهرهی توركمانی لێدوانهكهی خۆی رهتكردهوه.