فەرمانبەرانی وەزارەتێكی دیكە مووچە وەردەگرن

K24 - ھەولێر

سەرەتای ھەفتەی داھاتوو مووچەی مانگی 8ی وەزارەتێكی دیكەی حكوومەتی ھەرێمی كوردستان دابەش دەكرێت.

سەرچاوەیەك لە وەزارەتی دارایی و ئابووری بە كوردستان24 راگەیاند: "رۆژی یەكشەممە 2018/11/11 مووچەی وەزارەتی دارایی و ئابووری دابەش دەكرێت".

پێشتر وەزارەتی دارایی رایگەیاندبوو كە رۆژی پێنجشەممە مووچەی وەزارەتی تەندروستی دابەش دەكرێت و بەپێی خشتەی وەزارەتی دارایی ئەمڕۆ مووچەی وەزارەتی پەروەردە دابەش دەكرێت.

رۆژی 6ی ئەم مانگە وەزارەتی دارایی دەستی بە دابەشكردنی مووچەی مانگی 8ی 2018 كرد و مووچەی وەزارەتی پێشمەرگەش وەك یەكەم وەزارەت دابەشكرا.