زیزۆ له‌ ماڵه‌كه‌ی خۆی دانیشتووه‌، كه‌چی ناسناوێكی برده‌وه‌

 فێدراسیۆنی نیودەوڵەتی ئامار و مێژوو پۆلینی باشترین راهێنەرانی جیهانی بۆ ساڵی 2018 بڵاوکردەوە و زینەدین زیدانی فڕەنسی و راهێنەری پێشووی ریال مەدرید توانی ناسناوەکە بەدەست بێنیت.

ئەم فێدراسیۆنە ساڵانە هەڵدەستێت بە دەست نیشانکردنی باشترینەکانی جیهان و بۆ ئەمساڵیش راهێنەرە فڕەنسیەکەی مێرنگی بۆ جاری دووەم لەسەر یەک توانی بە کۆکردنەوەی 296 خاڵ ئەم ناسناوە بەدەست بێنێت، لە دوای ئەویش یۆرگن کلۆپی ئەڵمانی و راهێنەری یانەی لیڤەرپولی ئینگڵاند پلەی دووەمی بەرکەوتووە.

زیدان دوای بەدەست هێنانی سێ ناسناوی چامپیۆنزلیگ لەگەڵ یانەی ریال مەدرید، سەرەتای ئەم وەرزە بریاریدا بە یەکجاری واز لە راهێنەرایەتی ئەم یانەیە بهێنێت و تا ئێستاش راهێنەرایەتی هیچ یانەیەکی وەرنەگرتووە.

1ـ  زیدان 296 خاڵ

2ـ  یۆرگێن کلۆپ 109 خاڵ

3ـ  پێپ گواردیۆلا 105 خاڵ

4ـ دیێگۆ سیمیۆنێ 48 خاڵ

5ـ  ماسیمیلیانۆ ئالێگری 33 خاڵ