لهناو تابووتدا دهخهون بۆ ئهوهی له دایك ببنهوه
نووستن لە ناو تابووت لە شەوی سەری ساڵدا
K24 - ههولێر:
زۆربەی تایلەندییەکان لە سەرەتای ساڵی نوێ لە ئاهەنگێکی نەریتی بە ناوی"پرسەی خەیاڵی" لە ناو تابووت دەخەون، ئەم ئاهەنگە بە نیشانەی مردن و لە دایکبوونی دووبارە و لەناوبردنی هەموو خەم و پەژارەیهك دەزانن و بڕوایان بەوە هەیە کە لە ساڵی نوێ دیسان لە دایکدەبنەوە.
بەشداربووانی ئەم ئاهەنگە لە پەرەستگایهکی قەراخ شاری بانگکۆك لە کاتێکدا لە ناو تابووت راكشاون و گوڵ و بۆنی عهنبهریان لە دەستدایە و كاهینهكان بە پهڕۆی پەمۆ سەر تابووتەکەیان ناوەتەوە لە سەریان نزادەکەن.
گەشتیارێکی زۆریش سەردانی شارە گەورە و بچووکەکانی تایلەند دەکەن، هەر ئەمەش وایکردووە کە بووەتە وڵاتێکی سەرنجڕاکێش، بەڵام بیروباوهڕه ئایینییەکان و ئاهەنگە هێماییەکانیان و هەندێکجار بیروباوەڕی ئاسایی، بووەتە بەشێکی گرنگ لە ژیانی دانیشتووانی ئەم وڵاتە.
هەرچەندە ئەم ئاهەنگەی "پرسەی خەیاڵی" تهنها تایبهت نییه به تایلەند و لە زۆربەی وڵاتانی رۆژهەڵاتی ئاسیا وەکو کۆریای باشووریش بەربڵاوە.