هەسەدە وەڵامی دۆناڵد ترەمپی دایەوە

K24 – هه‌ولێر:

بەرپرسی پەیوەندییە گشتییەکانی هێزەکانی سووریای دیموکرات "هەسەدە" رەتیدەکاتەوە نەوتیان بە ئێران فرۆشتبێت.

رێدور خەلیل لە لێدوانێکیدا بۆ کەناڵێکی ئێرانی، قسەکانی دۆناڵد ترەمپی سەرۆکی ویلایەتە یەکگرتووەکانی ئەمەریکای رەتکردەوە و دووپاتیکردەوە: "لە باکووری سووریا هیچ دڵۆپە نەوتێک بە ئێران نەفرۆشراوە.

رێدور جەختیکردەوە، بەهۆی نەبوونی پاڵاوگەی پێویست، نەوت تەنیا بەمەبەستی پێداویستی ناوخۆیی بەرهەم دەهێندرێت و هیچ سنوورێکیان لەگەڵ ئێران نییە بۆ ئەوەی هیچ جۆرە بازرگانییەک بکەن.

پێشتر دۆناڵد ترەمپ رایگەیاندبوو کە "کوردەکان یەک تۆز نەوتییان هەیە ئەویش دەفرۆشنە ئێران و ئەویش بەم کارە خۆشحاڵ نییە".

H.J