پارتی و گۆڕان پێکهێنانی کابینەی نوێی حكوومەت تاوتوێ دەکەن

K24 - ھەولێر

ئەمڕۆ شاندی دانوستانکاری پارتی و گۆڕان لەبارەی پێکهێنانی کابینەی نوێ کۆدەبنەوە.

بە گوێرەی زانیارییەکانی کوردستان24 بڕیارە ئەمڕۆ شاندێکی بزووتنەوەی گۆڕان سەردانی شاری هەولێر بکات و لەگەڵ پارتی پرسی پێکهێنانی کابینەی نوێ تاوتوێ بکەن.

ئەمەش دوای ئەوە دێت لە 15/1/2019 شاندێکی پارتی، سەردانی شاری سلێمانی کرد و لەگەڵ بزووتنەوەی گۆڕان کۆبوونەوە، بە گوێرەی راگەیاندراوی هاوبەشی کۆبوونەوەکەش هەردوولا دوو لیژنە بۆ یەكخستنی روانگەی بزووتنەوەی گۆڕان ‌و پارتی دیموكراتی كوردستان، لەسەر كارنامەی حكوومەت دروست دەکەن.

لە لایەكی دیكەوە ھەر پەیوەست بە پێكھێنانی كابینەی نوێی حكوومەتی ھەرێمی كوردستان، دوێنێ 21/1/2019 شاندی پارتی و یەكێتی لە سلێمانی كۆبوونەوە.