بەڕێوەبەری پۆلیسی هاتووچۆی کەرکووك دەستگیر کرا

K24 - كەركووك

بەڕێوەبەری پۆلیسی هاتووچۆی کەرکووك و 23 ئەفسەر و کارمەندی بەڕێوەبەرایەتییەکە و بەڕێوەبەری پۆلیسی رەحیماوە و 19 پۆلیسی دیكە دەستگیرکران.

سەرچاوەیەک لە پارێزگای كەركووك، بە کوردستان 24ی راگەیاند "بە تۆمەتی تۆمارکردنی بارهەڵگر بەشێوەکەی نایاسایی و دوور لە رێنماییەکان، بە فەرمانی پشکنەری گشتی وەزارەتی ناوخۆی عێراق، عەقید شێرزاد ئەحمەد، بەڕێوەبەری پۆلیسی هاتووچۆی کەرکووك و 23 ئەفسەر و کارمەندی پۆلیسی هاتووچۆ دەستگیركراون".

گوتیشی: "ھاوكات، بەڕێوەبەری پۆلیسی رەحیماوە و 19 پۆلس دەستگیرکراون".

سەرچاوەكە ھۆكاری دەستگیركردنەكانی ئەمانی بۆ ھەڵاتنی زیندانییەك گەڕاندەوە.