مامۆستا و قوتابیانی شنگال دەستیان بەخۆپیشاندان کرد

K24 – دهۆک:

ئەمڕۆ لە سەنتەری شاری شنگال، ژمارەیەک قوتابی و مامۆستا دەستیان بەخۆپیشاندان کرد و داوای چاکسازیی بنەڕەتی لە رەوشی پەروەردە دەکەن.

بەوگوێرەنی زانیارییەکانی پەیامنێری کوردستان24، قوتابیان نیگەرانن لە بێسەروبەری پرۆسەی خوێندن و نەبوونی مامۆستای پێویست.

جیا لەوەش، دەرچوانی زانکۆ و پەیمانگاکان داوای دامەزراندن دەکەن و لە نەبوونی هەلی کار نیگەرانن.

بەشێک لە خۆپیشاندران مامۆستایان بوون و گلەیی ئەوە دەکەن کە تاکو ئێستا پارەی وانە گووتنەوەیان وەرنەگرتووە و داوای شایستە داراییەکانیان دەکەن.

لە دوای رووداوەکانی 16ی ئۆکتۆبەر، قەزای شنگال لەلایەن حەشدی شەعبی و چەند هێزێکی سەر بە پەکەکە بەڕێوەدەبردرێت، ئەو هێزانەش وەک ئەوەی مەحما خەلیل، قائیمقامی شنگال رایگەیاندبوو، چەند جارێک رێگریان کردووە لە گەڕانەوەی ئیدارەی هەڵبژێردراوی قەزاکە.

H.J