كۆبوونەوەی پارتی و یەكێتی دواخرا
بڕیاربوو لە ھەولێر كۆببنەوە
K24 - ھەولێر
سەرچاوەیەكی ئاگادار بە كوردستان24 راگەیاند: "لەسەر داوای یەكێتی كۆبوونەوەی ئەمڕۆی پارتی و یەكێتی دواخرا".
راشیگەیاند: "راستە دواخستنی كۆبوونەوەكە لەسەر داوای یەكێتی بووە، بەڵام ھێشتا ھۆكارەكەی ئاشكرا نەكراوە".
بڕیاربوو ئەمڕۆ شاندی باڵای پارتی دیموكراتی كوردستان و یەكێتی نیشتمانی كوردستان لە ھەولێر لەبارەی پێكھێنانی كابینەی نوێی حكوومەت و دۆسییەی كەركووك و بەغدا كۆببنەوە.
پێشتر پارتی و یەكێتی چەند كۆبوونەوەیەكیان لەبارەی پێكھێنانی كابینەی نوێی حكوومەتی ھەرێمی كوردستان ئەنجامداوە و چەند لیژنەیەكیان لەسەر دۆسییەی ھەرێمی كوردستان و كەركووك و بەغدا پێكھێناوە، بڕیاربوو لە كۆبوونەوەی ئەمڕۆیاندا تاوتوێی راپۆرتەكانی ئەو لیژنانە بكەن.