بەفر و بارانبارین دەست پێدەكاتەوە

K24 - ھەولێر

بە گوێرەی پێشبینیەكانی كەشناسی شەپۆلێكی بارانبارین ھەرێمی كوردستان دەگرێتەوە و لە ناوچە شاخاویەكان بەفر دەبێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەپێی پێشبینیەكان ئەمڕۆ ئاسمانی ھەرێمی كوردستان لەنێوان نیمچە ھەور و ھەوری تەواودا دەبێت، لە كاتەكانی شەودا لە ناوچە شاخاوییەكان ئەگەر نمە باران ھەیە.

كەشناسی لەبارەی كەشوھەوای سبەی پێشبینی دەكات، رۆژی ھەینی ئاسمانی ھەرێمی كوردستان نیمچە ھەور دەبێت و لە ھەندێك كاتدا ھەوری تەواو دەبێت باران بەشێوەی پچڕ پچڕ دەبارێت و لە كاتەكانی شەودا باران زیاتر دەبێت، لە ھەندێك ناوچەی شاخاوی بەفر دەبارێت.