250 کەس لەسەر سەکۆیەک دەکەونە خوارەوە

K24 – هه‌ولێر:

لە کەرنەڤاڵێک لە وڵاتی ئەرجەنتین، سەکۆیەک کە 250 کەسی تێدایە دادەڕمێ و بەهۆیەوە ژمارەیەکی زۆریان بریندار دەبن و 30 کەسیشیان برینەکانیان سەختە.

ئامادەبوان بە گڕوتینێکی زۆرەوە لەسەر سەکۆکان سەمادەکەن و هەڵدەپڕن، تا راگری ژێریان دادەڕمێ و بەردەبنەوە.

بەگوێرەی هەواڵێکی رۆژنامەی دەیلی مەیلی بەریتانی، رووداوەکە لە شاری کۆردۆبا روویداوە و زۆربەی بریندارەکان ئێسکی دەست و قاچیان شکاوە.