خه‌له‌كان.. له‌ رووداوێكی‌ هاتووچۆ كه‌سێك گیانی‌ له‌ده‌ست دا

K24 - سلێمانی:

له ‌ئه‌نجامی‌ رووداوێكی‌ هاتووچۆدا، له‌سه‌ر رێگای‌ خه‌له‌كان – رانیه‌، له‌ نزیك گوندی‌ (باقلان)، كه‌سێك گیانی‌ له‌ده‌ست دا و سێی دیكه‌ش برینداربوون.

به‌ڕێوه‌به‌رایه‌تیی پۆلیسی پارێزگای سلێمانی رایگه‌یاند، رووداوه‌كه‌ له‌نێوان دوو ئۆتۆمبێل له ‌جۆری‌ هیوندای ئه‌لێنترا و تۆیۆتا هایلوكس، ڕوویداوه‌، له‌ ئه‌نجامدا شۆفێری‌ هیونداكه‌ گیانی‌ له‌ده‌ست داوه‌ و سێ له ‌سه‌رنشینه‌كانی‌ تۆیۆتاكه‌ش بریندار بوون.

پۆلیسی سلێمانی راشیگه‌یاند، دوای گه‌یشتنی‌ هێزه‌كانی‌ به‌شی‌ پۆلیسی‌ دوكان بۆ شوێنی‌ رووداوه‌كه‌، برینداره‌كان ره‌وانه‌ی‌ نه‌خۆشخانه‌ی‌ فریاكه‌وتن كران ‌و ته‌رمی شۆفێره‌كه‌ش، ره‌وانه‌ی‌ پزیشكی‌ دادی‌ كرا.

ئ. م