پەرلەمانی كوردستان لیژنەی یاسایی پێكدەھێنێ

K24 - ھەولێر

ئەمڕۆ په‌رله‌مانی كوردستان كۆده‌بێته‌وه‌ و تاوتوێی پێكهێنانی لیژنه‌ی یاسایی په‌رله‌مان ده‌كات.

ده‌سته‌ی سه‌رۆكایه‌تیی په‌رله‌مانی كوردستان رایده‌گه‌یه‌نێت: "به‌ گوێره‌ی حوكمی بڕگه‌ی یه‌ك له‌ مادده‌ی 16 و 47 له‌ په‌یڕه‌وی ناوخۆی په‌رله‌مانی كوردستان، ئەمڕۆ دانیشتنی ژماره‌یه‌كی نائاسایی په‌رله‌مان به‌ڕێوه‌ده‌چێت.

سه‌رۆكایه‌تی په‌رله‌مانی كوردستان راشیگه‌یاندووه‌: "به‌رنامه‌ی كاری كۆبوونه‌وه‌كه‌ بریتی ده‌بێت له‌ پێكهێنانی لیژنه‌ی یاسایی په‌رله‌مان به‌پێی حوكمى ماده‌كانی (28 و 29)، له‌ په‌یڕه‌وى ناوخۆی په‌رله‌مانى كوردستان".

فراكسیۆنی یەكێتی ئەمڕۆش بەشداری لە كۆبوونەوەی پەرلەمان ناكات، لەوبارەوە له‌تیف شێخ عومه‌ر گوته‌بێژی یه‌كێتی به‌ میدیاكانی حزبه‌كه‌ی راگه‌یاند، ئه‌وان له‌سه‌ر هه‌ڵوێسته‌كانی رابردوویان سوورن و ‌ به‌ گوێره‌ی ئه‌و پڕۆژه‌یه‌ی پێشكه‌شيان كردووه‌، تا چاكسازی سیاسی نه‌كرێت به‌شداری كۆبوونه‌وه‌ی په‌رله‌مان ناكه‌ن.

گوته‌بێژی یه‌كێتی جه‌ختیشی كرده‌وه‌، كه‌ بڕیاره‌ له‌گه‌ڵ پارتی كۆببنه‌وه‌، به‌ڵام كاته‌كه‌ی دیارینه‌كراوه‌.

رۆژی 18/2/2019 پەرلەمانی كوردستان دەستەی سەرۆكایەتی ھەڵبژارد.

ھ.م